Mae Rhaglen Atgoffa’r Gyrwyr yn rhaglen o ddeunyddiau dysgu a fydd ar gael i unrhyw un sydd wedi cwblhau cwrs o dan y Cynllun Ailhyfforddi Troseddwyr Gyrru Cenedlaethol (NDORS). Darperir y Gwasanaeth hwn gan UKROEd Ltd (cwmni cyfyngedig sydd wedi’i gofrestru yng Nghymru a Lloegr dan y rhif cwmni 8773977, gyda’i gyfeiriad cofrestredig yn Colwyn Chambers, York Street, Manceinion M2 3BA).
UKROEd Ltd yw cwmni gweithredu’r Ymddiriedolaeth Diogelwch ar y Ffyrdd, sef ymddiriedolaeth elusennol (rhif elusen 1156300) sy’n ymroddedig i gefnogi prosiectau a gwaith ymchwil sydd â’r nod o wneud y ffyrdd yn fwy diogel i bob un o’u defnyddwyr.
Gallwch ddod o hyd i ragor o wybodaeth am NDORS, UKROEd a’r Ymddiriedolaeth Diogelwch ar y Ffyrdd drwy fynd i’n gwefannau:
https://ukroed.org.uk
https://roadsafetytrust.org.uk/
Mae’r hysbysiad preifatrwydd hwn yn rhoi gwybodaeth i unigolion sydd wedi cael cynnig cyfle i gwblhau Rhaglen Atgoffa’r Gyrwyr am y ffordd yr ydym yn darganfod, yn casglu ac yn prosesu eich data personol. Darllenwch y polisi preifatrwydd hwn yn ofalus os gwelwch yn dda. O bryd i’w gilydd gallem anfon hysbysiadau preifatrwydd wedi eu diweddaru i chi sy’n ymwneud â’r ffordd yr ydym yn casglu data personol amdanoch a byddwn yn tynnu eich sylw atynt.
Os dymunwch wybod sut mae eich data NDORS yn cael ei reoli, ewch i: https://www.ukroed.org.uk/dors-offer-portal-privacy-statement/
Mae’r cyfeiriadau yn y polisi preifatrwydd hwn at “ UKROEd ” “ ni ” a “ ninnau ” yn gyfeiriadau at UKROEd Ltd.
At ddibenion deddfwriaeth diogelu data
Y mathau o ddata yr ydym yn eu casglu amdanoch chi, a sut yr ydym yn casglu ac yn defnyddio data o’r fath:
Ystyr data personol yw unrhyw wybodaeth am unigolyn y gellir ei defnyddio i adnabod y person hwnnw. Nid yw’n cynnwys data lle mae hunaniaeth wedi cael ei ddileu (data dienw). Rydym yn sicrhau ein bod yn casglu ac yn prosesu cyn lleied ag sydd bosibl o ddata personol amdanoch.
Isod, rydym wedi nodi’r mathau o ddata personol y gallem eu casglu, eu defnyddio, eu storio a’u trosglwyddo amdanoch ac ymhle a sut yr ydym yn cael gafael ar wybodaeth o’r fath.
Buddiant dilys
- Cyfeiriad DORS+ dan ffugenw: Mae eich gwahoddiad yn cynnwys cyfeiriad dan ffugenw a grëwyd ar eich cyfer pan wnaethoch gwblhau eich cwrs. Defnyddir y cyfeiriad hwn i gysylltu gwybodaeth ystadegol ddienw am gwblhau’r cwrs a’r defnydd
- Raglen Atgoffa’r Gyrwyr.Cyfeiriad e-bost: Bydd angen i chi ddarparu cyfeiriad e-bost i gael mynediad i gynnwys Rhaglen Atgoffa’r Gyrwyr. Bydd y cyfeiriad e-bost hwn yn cael ei ddefnyddio dim ond at ddibenion mewngofnodi oni bai eich bod yn tanysgrifio i dderbyn diweddariadau.
Caniatâd
- Tanysgrifio i dderbyn diweddariadau: Bydd gennych yr opsiwn o danysgrifio i gael gwybod pryd y bydd cynnwys newydd wedi cael ei ychwanegu.
- Cwcis: Defnyddir cwcis i olrhain a gwerthuso’r defnydd o Raglen Atgoffa’r Gyrwyr. Cyfeiriwch at y Polisi Cwcis ar ddiwedd y ddogfen hon
Rhannu eich data:
- Pan fyddwch yn cael mynediad i Raglen Atgoffa’r Gyrwyr, rydych yn defnyddio cyfeiriad dan ffugenw. Mae’r cyfeiriad hwn yn cael ei ddilysu yn erbyn eich cofnod NDORS yn y system DORS+.
- Bydd data defnyddio Rhaglen Atgoffa’r Gyrwyr dan ffugenw yn cael ei rannu â’n Huned Ymchwil a Datblygu i werthuso cynnwys Rhaglen Atgoffa’r Gyrwyr. Gallai hyn gael ei gyfuno â data mynychu cwrs dienw o’r system DORS+.
- Efallai y gofynnir ichi gwblhau arolygon o fewn cynnwys Rhaglen Atgoffa’r Gyrwyr. Gellir rhannu data dienw o’r arolygon hyn â phartneriaid allanol.
-
Sut ydym yn storio eich data
Rydym wedi rhoi mesurau diogelwch priodol yn eu lle i atal eich gwybodaeth bersonol rhag cael ei cholli, ei defnyddio neu ei gweld yn ddamweiniol mewn ffordd sydd heb ei hawdurdodi, ei haddasu na’i datgelu. Mae data Rhaglen Atgoffa’r Gyrwyr yn cael ei storio mewn amgylchedd Microsoft Azure Cloud gyda phreswylfa ddata yn y DU.
Cadw Data:
Ni fyddwn yn cadw eich data personol yn hirach nag y bydd ei angen arnom i gyflawni’r dibenion y casglwyd y data ar eu cyfer. Byddwch yn gallu cael mynediad i gynnwys Rhaglen Atgoffa’r Gyrwyr am gyfnod o 3 blynedd ar ôl cwblhau eich Cwrs NDORS.
Eich hawliau:
Mae gennych hawliau penodol, y mae rhai ohonynt yn berthnasol o dan amgylchiadau penodol, mewn perthynas â’r data personol o dan Reoliad Cyffredinol Ewrop ar Ddiogelu Data, fel y maent wedi eu crynhoi isod:
- gallech fod â’r hawl yn unol â’r ddeddf diogelu data berthnasol i gywiro neu i gyfyngu ar ddata personol a ddaliwn amdanoch chi;
- gallech, dan rai amgylchiadau, fod â’r hawl i gael dileu data personol a ddaliwn amdanoch chi (ond nodwch nad yw hyn yn berthnasol o bosibl ar gyfer rhywfaint o’r data a ddaliwn amdanoch am resymau cyfreithiol penodol y byddwn yn rhoi gwybod i chi amdanynt, os yw hynny’n berthnasol, pan fyddwch yn gwneud cais);
- efallai y bydd gennych yr hawl i wrthwynebu’r ffordd yr ydym yn prosesu eich data personol ar sail sy’n ymwneud â’ch sefyllfa benodol chi. Gallech hefyd fod â’r hawl i ofyn am fynediad i’ch data personol a ddaliwn amdanoch a derbyn gwybodaeth benodol sy’n ymwneud â’r data hwnnw (a elwir fel arfer yn “gais am fynediad at ddata gan y testun”).
Os byddwch yn dymuno gweithredu unrhyw rai o’r hawliau sydd wedi’u nodi uchod mewn perthynas â’ch data personol, cysylltwch â ni mewn ysgrifen os gwelwch yn dda yn y cyfeiriad canlynol:
At sylw: Swyddog Diogelu Data
UKROEd Ltd, Colwyn Chambers, York Street, Manceinion M2 3BA
E-bost: [email protected]
Byddwn yn gofyn i chi brofi pwy ydych os byddwch yn gwneud cais i arfer unrhyw rai o’r hawliau uchod. Gallem gysylltu â chi hefyd i ofyn i chi am ragor o wybodaeth mewn perthynas â’ch cais i gyflymu ein hymateb. Ni fydd raid i chi dalu ffi i gael gafael ar eich data personol (nac i arfer unrhyw rai o’r hawliau eraill). Fodd bynnag, efallai y byddwn yn codi ffi resymol os nad oes sail eglur i’ch cais, os yw’n ailadroddus neu’n ormodol. Fel arall, efallai y byddwn yn gwrthod cydymffurfio â’ch cais dan yr amgylchiadau hyn.
Mae gennych yr hawl i wneud cwyn unrhyw bryd i Swyddfa’r Comisiynydd Gwybodaeth (ICO), sef awdurdod goruchwyliol y DU dros faterion diogelu data (www.ico.org.uk). Byddem, fodd bynnag, yn gwerthfawrogi’r cyfle i ddelio â’ch pryderon cyn i chi fynd at yr ICO, felly cysylltwch â ni yn gyntaf a byddwn yn ceisio datrys eich cwyn.
Polisi Cwcis:
Pan fyddwch yn rhyngweithio â gwasanaeth Rhaglen Atgoffa’r Gyrwyr, byddwn yn casglu data personol drwy gasglu cwcis.
- Beth yw Cwcis?
Er mwyn rhoi gwasanaethau i chi drwy’r rhyngrwyd mae angen inni osod ffeiliau testun bychain o’r enw cwcis ar eich cyfrifiadur neu eich dyfais symudol. Ni all y cwcis hyn gael eu defnyddio i’ch adnabod chi’n bersonol ond cânt eu defnyddio i wneud y gwasanaethau hyn yn haws eu defnyddio ac yn fwy dibynadwy.
- Optio Allan:
Byddwn yn gofyn am eich caniatâd cyn gosod cwcis ar eich cyfrifiadur neu eich dyfais symudol. Os ydych yn fodlon derbyn cwcis mae angen i chi gadarnhau hyn pan fydd y system yn gofyn hynny i chi, ac yna byddwch yn gallu defnyddio’r gwasanaethau hyn.
Mae croeso i chi wrthod y cais i osod cwcis ar eich cyfrifiadur neu eich dyfais symudol.
- Y Cwcis a Ddefnyddir
Defnyddir Cwcis am wahanol resymau a gallant fod yn un o’r mathau canlynol:
Targedu
Defnyddir cwcis targedu i adnabod ymwelwyr rhwng gwahanol wefannau, e.e. partneriaid cynnwys, rhwydweithiau baner. Gallai’r cwcis hynny gael eu defnyddio gan gwmnïau i lunio proffil o ddiddordebau ymwelwyr neu i ddangos hysbysebion perthnasol ar wefannau eraill.
| Name | Provider / Domain | Expiration | Description |
| _ga | Google LLC
.umbraco.io |
1 flwyddyn 1 mis | Mae enw’r cwci hwn yn gysylltiedig â Google Universal Analytics – sy’n ddiweddariad sylweddol i wasanaeth dadansoddeg Google a ddefnyddir yn fwy cyffredin. Defnyddir y cwci hwn i wahaniaethu rhwng defnyddwyr unigryw drwy neilltuo rhif sy’n cael ei generadu ar hap fel dynodydd cleient. Mae hefyd yn cael ei gynnwys ym mhob cais tudalen mewn safle ac yn cael ei ddefnyddio i gyfrifo data ymwelwyr, sesiynau ac ymgyrch ar gyfer adroddiadau dadansoddeg y safle. |
| _ga_Z60Q9RLXBX | .umbraco.io | 1 flwyddyn 1 mis |
Cwbl angenrheidiol
Mae cwcis cwbl angenrheidiol yn caniatáu swyddogaethau sylfaenol gwefan megis mewngofnodi defnyddiwr a rheoli cyfrif. Ni ellir defnyddio’r wefan yn gywir heb gwcis cwbl angenrheidiol.
| Name | Provider / Domain | Expiration | Description |
| .AspNetCore.Antiforgery.cdV5uW_Ejgc | dev-ukroed-driver-top-up.uksouth01.umbraco.io | Sesiwn | Cynlluniwyd y cwci hwn i atal postio cynnwys yn ddiawdurdod i wefan, sy’n cael ei adnabod fel Ffugio Cais Traws-Safle (CSRF). Nid yw’n cynnwys unrhyw wybodaeth am y defnyddiwr ac mae’n cael ei ddileu wrth gau’r porwr. |
| category-preference | dev-ukroed-driver-top-up.uksouth01.umbraco.io | Sesiwn | |
| category-preference | playback-preference.drivertopup.co.uk | Sesiwn | |
| category-preference | preference.drivertopup.co.uk | Sesiwn |
