Dod yn Ddarparydd Cwrs

Mae holl ddarparwyr cwrs NDORS yn gweithredu dan drwydded a ddyfernir gan ein cwmni gweithredu UKROEd Ltd. Unwaith y bydd trwydded wedi ei dyfarnu, mae’n creu cyfleoedd i’r trwyddedai dendro am gontractau gan heddluoedd.

Mae darparydd cwrs yn sefydliad sydd wedi profi fod ganddo’r adnoddau a’r isadeiledd i drin a phrosesu miloedd yn aml o gyfeiriadau i’r cynllun yn ystod tymor y contract gyda’r heddlu.

Mae’r trwyddedau i ddarparu cyrsiau naill ai’n rhai llawn neu dros dro. Os nad ydych yn ddaliwr trwydded lawn, mae’n rhaid i chi gael asesiad trwyddedu trwyadl i ddangos eich bod yn sefydliad addas a chywir i ddal trwydded NDORS ar gyfer darparu’r consesiwn gwasanaeth i’r heddlu. I wneud cais am drwydded dros dro, mae ffi asesu o £750 na ellir hawlio ad-daliad amdani. Unwaith y byddwch yn dal trwydded NDORS, naill ai trwydded lawn neu drwydded dros dro, bydd hon yn gadael i chi wneud cais am gontract heddlu pan fydd yr heddluoedd yn hysbysebu am sefydliadau i ddarparu consesiwn gwasanaeth NDORS yn eu hardal.

Bydd gofyn i’r holl ddarparwyr cwrs benodi eu monitor mewnol eu hunain, neu geisio gwasanaethau monitor allanol a fydd yn gymwys i gyflawni’r rôl honno ac sydd â’r diben o sicrhau bod darparydd y cwrs ac unrhyw hyfforddwr neu addysgwr a benodir ganddynt, yn cydymffurfio â’r fframwaith asesu.

Aseswr UKROEd fydd yn cynnal y broses asesu gychwynnol. Bydd hon yn cynnwys adolygiad drwy gais yn seiliedig ar allu technegol a masnachol, hyfywedd, addasrwydd a chynaliadwyedd y darparydd i ddarparu gwasanaeth NDORS i’r fformat cenedlaethol corfforaethol.

CEIR GWYBODAETH AR SUT I DDOD YN DDARPARYDD, HYFFORDDWR NEU ADDYSGWR CWRS TRWYDDEDIG DRWY DDILYN Y DOLENNI ISOD:

Os dymunwch ddod yn ddarparydd cwrs trwyddedig, ewch i’r dudalen hon: https://www.ndors.org.uk/scheme/become-course-provider/

Os oes gennych ddiddordeb mewn dod yn hyfforddwr, ewch i’r dudalen hon: https://www.ndors.org.uk/scheme/trainers/

Os oes gennych ddiddordeb mewn dod yn addysgwr, ewch i’r dudalen hon: https://www.ndors.org.uk/scheme/become-ndors-instructor/

Ar ôl cyflawni asesiad yn llwyddiannus, bydd y sawl sy’n ymgeisio am drwydded yn derbyn trwydded dros dro. Bydd y drwydded hon yn galluogi i’r trwyddedai wneud cynnig o dan broses gaffael i ddarparu cyrsiau i heddlu lleol.

Bydd y drwydded dros dro hon yn para am gyfnod o ddwy flynedd o ddyddiad ei chyhoeddi. Bydd hi’n troi’n drwydded lawn yn dilyn penodiad llwyddiannus gan yr heddlu.

Bydd Asesydd UKROEd yn monitro perfformiad y darparydd ac yn sicrhau ei fod yn cyrraedd y safon fel rhan o gyfres o adolygiadau gorfodol. Cynhelir adolygiad gorfodol dogfennol cyntaf o fewn 18 mis ar ôl cyhoeddi’r drwydded, a chynhelir adolygiadau manwl dilynol o’r hyfforddwyr a’r addysgwyr yn ystod tymor y contract neu’r drwydded.

Pan fydd y darparydd wedi cwblhau’r adolygiadau gorfodol yn llwyddiannus, bydd yn cael parhau i weithredu o dan y drwydded oni bai bod angen cynnal rhagor o adolygiadau gorfodol. Os bydd yn methu cwblhau’r adolygiadau gorfodol, bydd hynny’n arwain at gyflwyno rhybuddion i wella a chynlluniau gweithredu sy’n denu cydymffurfiad. Os na fydd yn cyflawni gofynion ail rybudd i wella o fewn amser penodol, bydd hyn yn arwain at ddirymiad y drwydded.

Os ydych yn credu fod gennych, neu y gallai fod gennych, yr adnoddau i ddod yn ddarparydd cwrs i’r heddlu ac yr hoffech wneud cais am drwydded dros dro i ddod yn ddarparydd cwrs NDORS, anfonwch e-bost i: [email protected]