Yn UKROEd, mae egwyddorion Amgylcheddol, Cymdeithasol a Llywodraethu wedi’u hymgorffori yn y ffordd yr ydym yn cyflawni ein cenhadaeth gwasanaeth cyhoeddus. Fel sefydliad sy’n ymroddedig i wella diogelwch ffyrdd a lleihau risg trwy addysg, rydym yn cydnabod bod stiwardiaeth amgylcheddol gyfrifol, atebolrwydd cymdeithasol a llywodraethu cryf yn hanfodol i gynnal ymddiriedaeth yr heddluoedd, y partneriaid, y gweithwyr a’r cymunedau a wasanaethwn.
Rydym wedi ymrwymo i ymgorffori cyfrifoldeb Amgylcheddol, Cymdeithasol a Llywodraethu ym mhob rhan o’n sefydliad, cryfhau’r ffordd rydym yn gweithredu, rheoli risgiau sefydliadol hirdymor a chreu gwerth cynaliadwy i’n rhanddeiliaid. Mae’r datganiad hwn yn adlewyrchu ein hagwedd bresennol tuag at gyfrifoldebau Amgylcheddol, Cymdeithasol a Llywodraethu a’n hymrwymiad i wella ein perfformiad yn barhaus wrth i’n sefydliad, disgwyliadau rhanddeiliaid ac arferion gorau barhau i esblygu.
Cyfrifoldeb Amgylcheddol
Rydym yn cydnabod ein cyfrifoldeb i leihau ein heffaith amgylcheddol ac rydym wedi ymrwymo i gymryd camau ymarferol a chymesur i leihau’r effaith drwy’r ffordd a weithredwn a’r penderfyniadau a wnawn. Rydym yn gwneud hyn drwy
- Leihau ein heffaith amgylcheddol trwy weithredoedd effeithlon, lleihau teithio diangen ac annog ffyrdd cynaliadwy o weithio.
- Hyrwyddo dewisiadau trafnidiaeth cynaliadwy trwy ein rhaglenni a’n harferion gwaith mewnol lle bo’n briodol.
- Gweithio gyda rheolwyr ein hadeiladau i sicrhau’r effeithlonrwydd adnoddau ac ailgylchu orau y gallwn, gan elwa o nodweddion adeiladu cynaliadwy sy’n cynnwys gwahanu gwastraff dan reolaeth, goleuadau a reolir gan PIR a systemau arbed dŵr.
- Gwneud penderfyniadau caffael cyfrifol a chynnal diwydrwydd dyladwy cymesur i weithio gyda chyflenwyr sy’n dangos arferion busnes amgylcheddol, moesegol a chyfrifol.
Atebolrwydd Cymdeithasol
Mae pobl wrth wraidd yr hyn a wnawn. Rydym wedi ymrwymo i greu amgylchedd gwaith diogel, cynhwysol a chefnogol i’n gweithwyr ac ar yr un pryd yn cael effaith gymdeithasol gadarnhaol trwy ein cenhadaeth i wella diogelwch ffyrdd a lleihau risg trwy addysg. Rydym yn cydnabod bod cyfrifoldeb cymdeithasol yn ymestyn y tu hwnt i’n sefydliad i’r cymunedau, partneriaid a rhanddeiliaid a wasanaethwn. Rydym yn cyflawni hyn trwy:
- Gynhyrchu adroddiad Cydraddoldeb, Amrywiaeth a Chynhwysiant (EDI) blynyddol i fonitro cynnydd, cefnogi gwelliant parhaus a rhoi sicrwydd i’r Bwrdd.
- Cyflawni ein Cynllun Pobl trwy fentrau sy’n hyrwyddo lles, cynhwysiant, ymgysylltiad a datblygiad proffesiynol gweithwyr, yn cynnwys gweithio hyblyg a hybrid, Rhaglen Cymorth i Weithwyr (EAP), Swyddogion Cymorth Cyntaf Iechyd Meddwl, cymorth iechyd galwedigaethol ac ymgysylltiad rheolaidd â staff.
- Cynnal trefniadau diogelu a chaethwasiaeth fodern cadarn, wedi’u cefnogi gan hyfforddiant gorfodol i bob gweithiwr.
- Ymgymryd â diwydrwydd dyladwy cymesur i weithio gyda phartneriaid a chyflenwyr sy’n rhannu ein hymrwymiad ni i arferion busnes moesegol, cyfrifol a chynaliadwy.
- Cefnogi datblygiad doniau’r dyfodol trwy brentisiaethau, dysgu a chyfleoedd datblygu proffesiynol.
- Creu gwerth cymdeithasol cadarnhaol trwy ddarparu addysg diogelwch ffyrdd o safon uchel sy’n gwella ymddygiad gyrwyr, yn lleihau risg ar y ffyrdd ac yn cyfrannu at gymunedau mwy diogel.
Llywodraethu Cryf
Mae llywodraethu cryf yn sail i bopeth a wnawn. Rydym wedi ymrwymo i gynnal safonau uchel o onestrwydd, eglurder ac atebolrwydd, gan sicrhau bod egwyddorion Amgylcheddol, Cymdeithasol a Llywodraethu wedi’u hymgorffori yn ein prosesau gwneud penderfyniadau a’n rheolaeth sefydliadol. Rydym yn gwneud hyn trwy:
- Ddarparu goruchwyliaeth i’r Tîm Arweinyddiaeth Weithredol mewn perthynas â’n blaenoriaethau Amgylcheddol, Cymdeithasol a Llywodraethu ac adolygu’r datganiad hwn yn flynyddol i gefnogi gwelliant parhaus.
- Cynnal rheolaethau mewnol cadarn a sicrhau cydymffurfiaeth â’r holl ofynion cyfreithiol, rheoleiddiol a llywodraethu corfforaethol perthnasol.
- Ymgorffori’r gwaith o wneud penderfyniadau moesegol, rheoli risg gymesur ac arferion busnes cyfrifol ym mhob rhan o’r sefydliad.
- Adrodd yn rheolaidd i’r Bwrdd ar faterion allweddol sy’n gysylltiedig â’n cyfrifoldebau Amgylcheddol, Cymdeithasol a Llywodraethu, gan gynnwys Cydraddoldeb, Amrywiaeth a Chynhwysiant, ac Iechyd, Diogelwch a Llesiant.
- Ymgymryd â diwydrwydd dyladwy cymesur ar draws ein sylfaen gyflenwyr i gefnogi caffael moesegol a rheoli cadwyn gyflenwi gyfrifol.
- Cynnal safonau uchel o ddiogelwch gwybodaeth, diogelu data a phreifatrwydd ar draws ein gweithrediadau.
Rydym yn cydnabod bod ein cyfrifoldebau Amgylcheddol, Cymdeithasol a Llywodraethu yn daith o welliant parhaus. Mae UKROEd wedi ymrwymo i adolygu a chryfhau ein harferion amgylcheddol, cymdeithasol a llywodraethu yn rheolaidd, gan osod amcanion cymesur ac alinio ein dull ag arferion gorau sy’n esblygu a disgwyliadau ein rhanddeiliaid.
Mae ein cenhadaeth – i wella diogelwch ffyrdd a lleihau risg trwy addysg – yn parhau i fod yn ganolog i’n hymrwymiad Amgylcheddol, Cymdeithasol a Llywodraethu, gan adlewyrchu ein penderfynoldeb i greu effaith gadarnhaol barhaol ar gyfer ein pobl, partneriaid, cymunedau a’r gymdeithas ehangach a wasanaethwn.
Ruth Purdie, OBE, Prif Swyddog Gweithredol UKROEd
Gorffennaf 2026
