Un o amodau’r cynnig cwrs yw fod gennych chi ddull adnabod â LLUN wrth gyrraedd y cwrs (pa un ai yw’n gwrs ystafell ddosbarth ffisegol neu’n gwrs rithwir/ar-lein).

Diben hyn yw sicrhau fod yr hyfforddwr yn gallu cadarnhau pwy yw’r cleient sy’n cyflwyno ei hun ar y cwrs.

Enghreifftiau o ddulliau adnabod â llun:

• Trwydded Yrru Cerdyn Llun (NID yw cerdyn llun sydd wedi dod i ben yn dirymu’r drwydded)
• Pasbort dilys
• Pasbort sydd wedi dod i ben
• Cardiau adnabod ffurfiol (lluoedd arfog, heddlu, undeb myfyrwyr, cerdyn adnabod cwmni)
• Cerdyn Tacograff
• Cerdyn adnabod Awdurdod Lleol/Tacsi
• Bathodyn Glas (parcio i bobl ag anableddau)
• Tystysgrif Arfau Tanio/Trwydded Dryll

Ni fydd unrhyw ddogfennau adnabod NAD YDYNT yn cynnwys llun adnabod o’r cleient (e.e. biliau cyfleustodau, tystysgrifau geni/priodas) yn cael eu derbyn a bydd y cleient yn cael ei gyfeirio’n ôl i’r heddlu

NID yw llungopïau na lluniau a dynnwyd gan ffonau symudol/dyfeisiau yn ddulliau adnabod derbyniol – rhaid i ddogfen wreiddiol fod ar gael i’w hastudio yn ystod y cyfnod cofrestru ar gwrs.

Cyrsiau gydag elfennau ar y ffordd:

Bydd angen trwydded yrru cerdyn llun (neu drwydded bapur gyda dull adnabod arall â llun – gweler y rhestr uchod) pan fydd disgwyl i’r cleient ymgymryd ag elfen ar y ffordd ar gwrs.

Os bydd gan yr hyfforddwr unrhyw amheuaeth neu bryderon ynghylch dilysrwydd y drwydded, bydd gan yr hyfforddwr, ar ran ei ddarparydd, yr hawl i wrthod i’r person hwnnw barhau â’r cwrs.